FAQ

faqs

FAQ

MonCash se yon bous sou telefòn ou ki pèmèt tranzaksyon finansye fèt chak jou ant itilizatè MonCash yo, kelkeswa kote yo ye an Ayiti. Kèk tranzaksyon itilizatè yo ka fè chak jou:

  • Kenbe lajan sou kont MonCash yo
  • Resevwa transfè entènasyonal
  • Voye lajan bay lòt itilizatè MonCash ak telefòn yo
  • Fè depo sou MonCash yo
  • Fè retrè sou kont MonCash yo
  • Achte minit oswa plan entènèt Digicel
  • Peye machann
  • Peye fakti
  • Resevwa peman salè

Ouvri yon kont MonCash GRATIS Pou w ka anrejistre konpoze *202#, oswa telechaje aplikasyon MonCash la. L ap mennen w nan meni a, epi w ap bay enfòmasyon sila:

  • Siyati
  • Non
  • Dat nesans (JJ / MM / AAAA)
  • Chwazi yon tip pyès (lisans, kat elektoral oswa paspò. Tanpri sonje dokiman sa dwe valid)
  • Bay nimewo pyès ou te chwazi a
  • Chwazi si ou se fi oswa gason
  • Chwazi kòd sekrè w (pa pataje l ak pèsonn)
  • Rantre kòd sekrè w a ankò pou w ka konfime

Apre ou fini pwosesis la, ou pral gen yon kont MonCash Plis ak yon limit 100,000 HTG. W ap ka voye lajan, peye fakti, rechaje, peye komèsan, retire lajan oswa resevwa transfè entènasyonal.

Ou kapab ouvri yon kont MonCash avèk non konplè ou ak dat nesans ou. Men, ou pral gen yon kont limite kote ou pral kapab sèlman tcheke kont ou ak chanje PIN ou. Pou kapab itilize tout sèvis MonCash yo, tankou resevwa lajan, ou dwe fini pwosesis idantifikasyon an kote wap gen pou ou bay yon pyès idantite valid.

Lè w ap sèvi ak MonCash gen kèk frè ki aplike, sepandan tranzaksyon sila yo GRATIS:

  • Ouvri oswa elaji kont MonCash ou
  • Fè depo sou kont MonCash ou
  • Rechaje yon nimewo telefòn Digicel
  • Peye yon machann
  • Peye fakti

Lòt frè ka aplike lè w ap sèvi ak MonCash pou lòt tranzaksyon tankou yon transfè kay yon ajan otorize, ak lè w ap retire lajan sou kont ou.

Men tout frè ki aplike lè w sèvi ak MonCash depi 10 jen 2024:

HTG
Soti 		HTG
Rive 		Frè Depo sou Kont Ou Frè MonCash-a-MonCash Frè Retrè Frè Transfè lajan (Ajan pou kliyan)
20 99 GRATIS GRATIS GRATIS 6
100 249 GRATIS GRATIS GRATIS 12
250 499 GRATIS 5 10 15
500 999 GRATIS 10 20 40
1,000 1,999 GRATIS 25 40 65
2,000 3,999 GRATIS 35 60 115
4,000 7,999 GRATIS 50 90 185
8,000 11,999 GRATIS 60 125 275
12,000 19,999 GRATIS 70 145 380
20,000 39,999 GRATIS 75 170 640
40,000 59,999 GRATIS 100 200 1050
60,000 75,000 GRATIS 120 N/A 1400
75,000 100,000 GRATIS 130 N/A 1600

Èske gen limit sou kantite tranzaksyon mwen ka fè lè m ap sèvi ak MonCash? Wi, lè w ap sèvi ak MonCash gen yon limit tranzaksyon ki aplike lè w ap fè transfè P2P oswa lè w ap fè retrè. Diferan limit konn aplike sou jan w itilize MonCash si se chak jou, chak semèn oswa chak mwa. W ap jwenn tout detay sou kantite sou tranzaksyon yo.

Lè w ap fè transfè P2P:

Peryòd Tip Tranzaksyon Limit volim tranzaksyon Limit Montan Tranzaksyon
Chak Jou P2P 10 75,000
Chak Semèn P2P 30 300,000
Chak Mwa P2P 50 500,000

Lè w ap fè retrè:

Peryòd Tip Tranzaksyon Limit volim tranzaksyon Limit Montan Tranzaksyon
Chak Jou Retrè 10 75,000
Chak Semèn Retrè 25 300,000
Chak Mwa Retrè 40 500,000

Lè w ap fè Depo:

Période Type de transaction Limite de volume de transaction Limite de montant de transaction
Chak Jou Depo 5 N/A
Chak Semèn Depo N/A N/A
Chak Mwa Depo N/A N/A

Nou fè kèk chanjman nan aplikasyon a k ap nan avantaj ou:

  • Kounya ou ka ranpli pwosesis pou w elaji kont MonCash ou (Full Wallet) san w pa bezwen deplase; ak kèk klik sèlman w ap ka elaji kont MonCash ou epi resevwa transfè lajan entènasyonal.
  • Nou amelyore aplikasyon MonCash la pou pèmèt ou viv yon pi bèl eksperyans kliyan. Nou ajoute idantifikasyon byometrik pou pèmèt kliyan yo konekte sou kont yo ak anprent yo oswa si yo gen yon aparèy IOS, yo ka sèvi ak karakteristik rekonesans figi yo.
  • Kounya aplikasyon an pèmèt itilizatè yo ajoute desimal nan tout tranzaksyon yo pou yo ka egzak lè y ap voye lajan oswa peye, ak anpil lòt amelyorasyon toujou.
  • Ou ka chanje kòd sekrè w direkteman sou telefòn ou.

Aplikasyon MonCash la disponib pou tout aparèy Android ak iOS. Pou w telechaje aplikasyon MonCash la tanpri vizite:

Pou enskri oswa anrejistre sou aplikasyon MonCash, telechaje aplikasyon an nan Google Play store oswa App store iOS, epi swiv pwosesis la sou ekran an. Asire w ke kat SIM ki asosye ak nimewo telefòn ou vle anrejistre a nan aparèy ou a. Ou pral bezwen bay non fanmi ou, prenon, dat nesans (JJ/MM/AAAA) ak yon pyès idantite valab (pèmi kondwi, kat elektè oswa paspò). Antre nimewo pyès idantite ou chwazi a, chwazi sèks ou, chwazi yon kòd PIN pèsonèl (pa pataje l ak pèsòn) epi antre kòd PIN lan ankò pou konfime.

Apre sa, aplikasyon MonCash la ap voye yon kòd 6 chif pa SMS nan nimewo telefòn ou bay la pou verifye si se vrèman ou. Pou sekirite ou, pa pataje kòd sa a ak pèsòn. Ou kounye a pare pou itilize aplikasyon MonCash!

Apre ou fin konplete pwosesis la, ou pral gen yon kont MonCash Plus ak yon limit 100,000 HTG, epi ou ka voye lajan, peye fakti, rechaje, peye komèsan, retire lajan oswa resevwa transfè entènasyonal.

Depi w gentan yon kliyan MonCash ou ka sèvi ak aplikasyon MonCash la. Pou w konekte w sou aplikasyon MonCash la, w ap mete nimewo telefòn ou gen kont MonCash sou li a epi kòd sekrè w. Si w pa gen yon kont MonCash, aplikasyon an ap mande w pou w kreye youn. Kliyan yo ap ka konekte ak anprent yo oswa ak sistèm rekonesans figi yo.

Wi, ou ka konplete pwosesis idantifikasyon kont ou lè ou suiv etap yo nan aplikasyon MonCash.

Non. Enfòmasyon w ak lajan w konekte ak kont MonCash ou kelkeswa aparèy w ap itilize pou w aksede ak kont ou. Sèvi ak nimewo telefòn ou epi kòd sekrè w pou w konekte w sou aplikasyon MonCash la epi w ap ka wè balans ou, dènye tranzaksyon w, fè tranzaksyon elatriye.

Si kont ou an poko idantifye, ou pral oblije pase nan pwosesis verifikasyon an.

Lè w ap voye lajan bay yon itilizatè ki pa gen yon telefòn entelijan oswa ki pa telechaje aplikasyon an w ap jis konekte w sou aplikasyon MonCash la, ekri nimewo l epi peze bouton voye lajan an. Tranzaksyon yo fèt apati kont MonCash ou bay yon lòt kont MonCash kelkeswa aparèy y ap itilize.

Si ou poko konplete pwosesis idantifikasyon kont ou an, ou pap ka fè anyen lòt ke verifye balans ou ak fè yon transfè MonCash-a-MonCash (p2p) oswa yon retrè pou rekipere lajan ki rete sou kont la.

Sonje byen, gen frè ki pral asosye ak tranzaksyon sa yo.

Non, ou pa gen okenn frè w ap peye pou w konekte w sou aplikasyon MonCash la.

Kòd QR MaonCash la se yon kòd ki gen enfòmasyon sou itilizatè ki pral fè tranzaksyon an. Kòd QR MonCash la ap pèmèt ou peye ak resevwa lajan sou aplikasyon MonCash la, w ap annik eskane kòd QR la ak telefòn ou. Kòd QR MonCash la redwi tout erè ou te ka fè nan di yon nimewo telefòn byen fò oswa anpeche moun koute ki kantite kòb w ap voye.

W ap jwenn kòd QR la nan aplikasyon MonCash la nan pati “Kòd QR”.

Kijan pou mwen sèvi ak kòd QR MonCash la?

Men 2 fason pou w sèvi ak kòd QR MonCash la:

  1. Peye kèk atik: Ou ka sèvi ak MonCash pou peye atik yon kliyan achte. Chak fwa ou ale nan yon magazen gade si w pa wè kòd QR MonCash la bò kote kesye yo. Depi w wè l, monte sou aplikasyon MonCash la epi peze “Peye”. Apresa, eskane kòd QR MonCash ki devan w lan epi w ap ka peye sa w achte a.
  2. Voye oswa Resevwa lajan: Klike sou “Kòd QR mwen" lè li parèt sou ekran w, mande lòt itilizatè MonCash la pou l eskane kòd ou a ak kamera telefòn li a. Lè yo fin eskane l, y ap ka wè kont ou epi voye lajan an pou ou.

Pou yon tan limite p ap gen okenn chaj adisyonèl lè w ap itilize kòd QR MonCash la

Kòd QR la gen enfòmasyon pèsonèl ou tankou nimewo telefòn ou pou yo ka idantifye kont ou. Men li pa gen enfòmasyon sou kantite kòb ki sou kont ou. Enfòmasyon sa yo dwe rete konfidansyèl, li pèmèt tranzaksyon yo fèt pi rapid.

Wi, ak kòd QR MonCash, enfòmasyon pèsonèl ou yo konplètman pwoteje epi ankripte. Se ou sèlman ki gen aksè a kòd QR ou, epi se ou sèlman ki ka jwenn aksè a enfòmasyon ou yo pou fè peman ak komèsan fasil oswa eskane pou voye ak resevwa lajan.

Gen anpil avantaj lè w se yon itilizatè MonCash:

  1. Ou gen kontwòl total sou lajan ou ak vizibilite sou tout tranzaksyon ou yo, pandan ke ou toujou rete okouran de ki kote lajan ou ale.
  2. Ou ka resevwa lajan soti nenpòt kote nan mond lan lè zanmi ou oswa fanmi ou voye transfè lajan entènasyonal.
  3. Voye lajan atravè Ayiti, peye machann ak bòdwo. Jwi twa fwa kantite lajan lè w rechaje telefòn Digicel ou lè w itilize MonCash.
  4. Voye lajan bay lòt itilizatè MonCash atravè kòd QR gratis!

Premye etap pou resevwa transfè lajan entènasyonal nan kont MonCash ou se vin yon itilizatè MonCash Plus. Ou ka pase nan MonCash Plus atravè de opsyon:

  1. Aplikasyon MonCash: Konekte ak aplikasyon MonCash ou epi swiv enstriksyon ki sou ekran an pou enskri.
  2. Vizite yon biwo rejyonal Digicel, kèk magazen Digicel, ajan MonCash oswa reprezantan MonCash: Ou pral oblije bay enfòmasyon tankou nimewo idantifikasyon ou ak yon pyès idantite ak foto pou kontinye pwosesis idantifikasyon an.

Pou verifye si ou se yon kliyan MonCash Plus, ou dwe swiv etap sa yo:

  1. Fè *202#
  2. Chwazi opsyon 5
  3. Chwazi opsyon 3

Si tip la se fullkyc, sa vle di ou gen yon kont MonCash Plis.

Lè kont ou elaji e ke w bay otorizasyon pou w resevwa transfè entènasyonal, w ap ka mande pwòch ou voye lajan pou ou atravè youn nan konpayi sa yo:

Nan Nò Amerik la

  1. Digicel International
  2. Boss Money
  3. Sendwave
  4. Taptap Send
  5. Sharemoney
  6. C.A.M.
  7. Shaka Express

Nan Amerik Latin

  1. CIBAO (République Dominicaine)
  2. Girofacil (Chili)
  3. Uno Money Transfer
  4. More Money

Nan Ewop

  1. Orange Money (France)
  2. BNC (Guyane française, Martinique, Guadeloupe)

Tout Kote Nan Mond La

  1. Remitly
  2. RIA
  3. WorldRemit
  4. Xoom by Paypal

SIM nan dwe anndan telefòn wap itilize aplikasyon MonCash la. Klavye a pap parèt, aplikasyon an ap li OTP ou resvwa pa SMS la otomatikman.

Ou gen keyon toujou? Nou ka ede!

Kontak